Zoram Today 29th May, 2024 (Wed): Sorkar thuchhuahin a tarlan danin Cyclone Remal tleh avangin Power & Electricity dept. in Mizoram hmun hrang hrangah harsatna a tawk a, siamthat hna vawiin thlengin chawl lovin thawh mek a nih thu a tarlang.

33kV Feeder la pek theih loh te:

Aibawk feeder hi ban a tluk avang in a la pek theih loh a, hma lak mek a ni. Hemi in a chawm Chhimphei lam area hian Power an la dawng theilo a ni.

Sialsuk Feeder, Samlukhai Feeder, Thiak (Hmuifang) Feeder, Tachhip Feeder te hi Aibawk  atanga pek a ni a, Aibawk S/S in power an dawn hma chu pek theih a ni lo.

33kV Tlangnuam SS atanga pek Reiek feeder leh Lungleng Feeder te pek theih loh an ni a, 132kv Melriat SS atanga pek ZMC Feeder leh Melriat Feeder te pek theih loh an ni bawk. ZMC Feeder hi vawiin dar 1:30 vel khan pek a ni.

Darlawn Sub-Station  in power an dawng a, Sakawrdai S/S atanga pek Tinghmun leh Zokhawthiang te ban tlu avangin power pek theih an la ni lo.

11kV Feeder hi Aizawl chhung ah chuan power pek chhuak kim a ni.

Aizawl chheh velah DVOR feeder (Lengpui Airport Radar), Sihhmui feeder, Khamrang feeder te power la pek theih loh a ni.

Aizawl khawchhung a Veng thim te:

Chaltlang Tatkawng veng- Transformer a chhia a, vawiin ah thlak hman tum a ni.

Mualpui  a hmun thenkhat LT line chhiat avangin an la thim a, buipui mek a ni.

Tlangnuam  veng thenkhat  LT line tluk vangin an la thim a, siam that hna thawh mek a ni.

Tlangnuam CP road ah Transformer 100kVA platform chawpin a hnawl a, hemi in a chawm te hi an la thim a, Hemi chawm te hi transformer dang atangin LT extent in tih en tum a ni a, Vawiin ah tih en hman a beisei awmlo a, naktuk  lam ah chuan tih en hman beisei a ni.

Tuirial feeder ah hian Bung Bangla leh Tuirial a la thim a, tih en tuma hma lak mek a ni.

Hunthar Primary School II bul ah 250KVA transformer hmun a min a vangin  hmun dangah dah a ni a, vawiin hian tih en leh hman tuma ni.

Hlimen quary transformer leh Central Workshop Transformer te  a la pek theih loh a, a chhan chu hemi chawm LT line ah ban tlu a awm vang a ni a, buaipui mek a ni.

Seven day tlang priority feeder chawm ho thenkhat an thim bawk.

Chawnpui veng thenkhat Chhiari transformer chawmte, Zotlang Mara House transformer chawm te, Zotlang  thlanmual, Chhangurkawn  transformer, Vaivakawn thlanmual transformer, Luangmual thlanmual hlui , Printing & Stationary  Transformer, Zohnuai transformer chawm thenkhatte 11kV leh LT ban tlu avangin an la eng theilo a, hma lak mek a ni.

11kV Zonuam feeder thing tluin Zonuam police outpost bulah a delh a, a harsat deuh avangin khawtlang nen tangrualin buipui mek a ni. Hemi in a chawm zonuam thlanmual 1500KVA leh Hmingmawii  petrol pump 63kVA te, AMC eco park(hei hi transformer dahna bana tlu tel a)te an la eng theilo bawk.

Tanhril feeder ah, Saizahawla, MZU leh Aisih transformer in a chawm te hi a line ah buaina a awm a vangin la pek theih loh a ni a, tunah hian buaipui mek a ni.

 Hunthar vengah hian LT line ban 3 thing in a vaw thlua, buaipui mek a ni.

 Chandmary Vengah ban tlu avangin consumer thenkhat an la eng theilo.

LPC Power dinhmun tlangpui as on 29.05.24, 12:00 noon

Lunglei khawpui chhung power kan inpe kim thawkhat a, Kawmzawl atangin Mualthuam a pek theih loh a, an in check mek. 

33kV S/s Theiriat:

Hnahthial feeder leh  Tawipui feeder   a pek theih loh

33kV S/s Lungsen:

Power an dawng a, anmahnia line chhuak an inpe kim thawkhat

33kV S/s Tlabung & Chawngte: Power an la dawng theilo a, hmalak mek a ni.

Lawngtlai khawchhung an inpe kim thawkhat a, 33kV S/S Chawnhu atanga chhuak Bungtlang S Feeder, Kawlchaw Feeder leh LCMC Feeder  an la pe thei lo a, Lawngtlai S/S atanga Feeder chhuak Council Feeder leh L1 Feederan pe thei lo a, College Feeder ah hian Mampui khua an pe tel thei lo.

PHE dept enkawl, 33kV PHE feeder a la pek theih loh a, tui an la pump theilo

Siaha in tukin dar 7:30 a.m ah power an hmu a, khawchhung an inpe kim thawkhat a, LT ban tlu avangin Transformer chawm thenkhat an thim a, Vawin chhungin Power pek kim tum a ni.

Tuipang & Phurra an la pe thei lo a line check mek a ni.

Hnahthial hi Bukpui lama tanga an lakna line ban a tluk avangin power an dawng theilo a, Theiriat S/S Lunglei  lam a tangin lak tumin hma lak mek a ni. Hnahthial leh a chhehvel, S.Vanlaiphai leh Sangau tlangdung te an la thim.

Mamit hian 33kV Sub station ah power an la lalut theilo a, hnatlangin YMA ten puiin W. Phaileng a tanga lo kal  line hi check mek a ni.Line dang, Zamuang lama tanga lo kal line hi an check mek a, Vawiin ah restore theih an beisei a ni.

Saitual khawchhungin power an dawng tha a, Maite leh Buhban ah LT line chhia buaipui mek a ni a, Suangpuilawn 11kV feeder a pek theih loh a, line check mek a ni.

Khawzawl in power an dawng tha a, 33kV Rabung sub station a pek theih loh a, 11kV feeder ah Khawzawl a tanga pek Hmuncheng leh Khawhai atanga pek Chawngtlai feeder te a pek theih loh a, buaipui mek a ni.

Champhai hian Power an dawng tha a, Champhai khawchhungin Power an hmu tha a, 33kV Khawbung S/S atanga pek 11kV Samthang Feeder hi Samthang thleng a tha a, Vaphai, Saikhkumphai leh Chawngtui pek theih a la ni lo. 33kV Hnahlan SS atang in Tualcheng Feeder pek theih loh a ni a, Khuangphah Feeder hi Khuangphah thleng pek a ni a, Vaikhawtlang pek theih a la ni lo. Heng pek theih loh te hi hma lak mek a ni. 

132kV Zuangtui-Bukpui line a chhiat avangin E. Lungdar atangin power lak luh a ni a. Zuangtui-Bukpui line hi a chhiatna zawn mek a ni. 132kV S/S Bukpui atang hian 33kV Hnahthial leh Chhingchhip pek theih a ni lo. Serchhip khawchhungah LT line hmun 8 ah thing tlu in a vuak avangin tih fai hna thawh mek a ni a, vawiin ah inpek fel theih beisei a ni. 11kV Chhiahtlang leh PHE Feeder te pek theih a ni lo. 33kV Buarpui S/S in power an dawng a, an outfeeder ah Dengsur leh Bungtlang Feeder la pek theih loh a ni. 33kv Thenhlum S/S in power an dawng a, an outfeeder ah Bunghmun leh Changpui pek theih a ni lo. 

33kV Chhingchhip Feeder la pek theih loh a nih avangin Chhingchhip S/S in a chawm Chhingchhip khua leh a chhehvel bakah Thingsulthliah tlangdung ten power an dawng thei lo bawk a ni. 

132kV E. Lungdar S/S atangin 33kV N. Vanlaiphai leh Khawlailung te la pek theih loh a ni a, buaipui mek a ni. E. Lungdar khawchhungah DT pakhat tih loh chu pek vek a ni a, Leng Feeder 11kV erawh pek theih loh a ni a, buaipui mek a ni.   

132kV Bawktlang SS atangin 33kV line pek kim a ni a. 33kV Kolasib SS atangin 11kV Thingdawl feeder tih loh chu pek kim vek a ni a, Thingdawl Feeder hi Thingdawl thleng power pek theih tep a ni a, Sethawn erawh chu 11kV line ban a tluk avangin vawiin ah an eng hman lo mai thei.

Kawnpui khawchhung leh a chhehvel ten power an dawng tha a, mahse Kawnpui atanga pek 33kV Sentlang S/S  leh 33kV Bukpui S/S  in power an dawng thei lo a, heng sub station in a chawm khua te hian power an la dawng thei lo a, buaipui mek a ni. 

Vairengte leh a chhehvel te’n power an dawng tha a, Bilkhawthlir SS atanga pek Chemphai 11kV feeder hi a la pek theih loh a, buaipui mek a ni.